ಅಖಿಲ ಭಾರತೀಯ ಗ್ರಾಹಕ ಪಂಚಾಯತ್‌ನ ರಾಷ್ಟ್ರೀಯ ಸಾಮಾನ್ಯ ಸಭೆಯು ಮಾರ್ಚ್ 2 ಮತ್ತು 3 ರಂದು ವಡೋದರದ ಮುಜ್ರತ್‌ನಲ್ಲಿ ಸ್ವಾಮಿ ನಾರಾಯಣ ಸನ್ನಿಧಿಯಲ್ಲಿ ನಡೆಯಿತು. ಇದರಲ್ಲಿ ದೇಶದ 32 ರಾಜ್ಯಗಳ 206 ಪ್ರತಿನಿಧಿಗಳು ಉಪಸ್ಥಿತರಿದ್ದರು.
ವಡೋದರಾ ಮೆಟ್ರೋಪಾಲಿಟನ್ ಉಪಮೇಯರ್, ಸ್ಥಳೀಯ ಸಂಸದೆ ರಂಜನ್ವೆನ್ ಮಾಹ್, ಇಸ್ಕಾನ್ ಸಂತರಾದ ನಿತ್ಯಾನಂದ ಪ್ರಭು ಸ್ವಾಮಿ, ರಾಷ್ಟ್ರೀಯ ಅಧ್ಯಕ್ಷ ನಾರಾಯಣ್ ಭಾಯಿ ಜಿ ಶಾಹ್ ಮತ್ತು ನಗರದ ಪ್ರಮುಖ ನಾಗರಿಕರು ಉದ್ಘಾಟನಾ ಅಧಿವೇಶನದಲ್ಲಿ ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಮುಜರತ್ ಗ್ರಾಹಕ ಆಯೋಗದ ಮಾಜಿ ಅಧ್ಯಕ್ಷ ಎಂ.ಜೆ.ಮೆಹ್ತಾ ಅವರು ಉಪಸ್ಥಿತರಿದ್ದು ಮಾರ್ಗದರ್ಶನ ನೀಡಿದರು.
ಗ್ರಾಹಕ ಪಂಚಾಯಿತಿಯ ಸುವರ್ಣ ಮಹೋತ್ಸವ ವರ್ಷವಾಗಿದ್ದು, ಇದಕ್ಕಾಗಿ ವಿಶೇಷ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಎರಡು ದಿನಗಳ ಸಾಮಾನ್ಯ ಸಭೆಯಲ್ಲಿ, ಗ್ರಾಹಕರ ಜಾಗೃತಿ ಮತ್ತು ತರಬೇತಿಯ ವಿವರವಾಗಿ ಸಂಘಟನೆಯ ಕಾರ್ಯ ಕಲಾಪಗಳ ಬಗ್ಗೆ ಚರ್ಚಿಸಲಾಯಿತು. ವಿಶೇಷವಾಗಿ ಯುವಕರ ಮೇಲೆ ಸಾಮಾಜಿಕ ಮಾಧ್ಯಮದ ವ್ಯತಿರಿಕ್ತ ಪರಿಣಾಮ, ದಾರಿತಪ್ಪಿಸುವ ಜಾಹೀರಾತುಗಳು ಮತ್ತು ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳಿಂದ ಖರೀದಿಸುವಲ್ಲಿ ವಂಚನೆಯ ವಿಷಯಗಳ ಕುರಿತು ಕಾರ್ಯಕ್ರಮವನ್ನು ಸಹ ಯೋಚಿಸುವ ಬಗ್ಗೆ ವಿಚಾರ ವಿಮರ್ಶೆ ಮಾಡಲಾಯಿತು.
ಕರ್ನಾಟಕದಿಂದ ಪ್ರಾಂತದ ಅಧ್ಯಕ್ಷ ನರಸಿಂಹ ನಕ್ಷತ್ರಿ ಹಾಗೂ ಪ್ರಾಂತ ಕಾರ್ಯದರ್ಶಿ ಗಾಯತ್ರಿ ಪಾಲ್ಗೊಂಡಿದ್ದರು. ಕರ್ನಾಟಕ ಪ್ರಾಂತದ ಸ್ವರ್ಣ ಜಯಂತಿ ವರ್ಷ ಕಾರ್ಯ ಚಟುವಟಿಕೆಗಳ ವರದಿ ನೀಡಲಾಯಿತು.
