ಸೂರತ್, ಗುಜರಾತ್: ಅಂಗದಾನವು ದೇಶಭಕ್ತಿಯ ಕೆಲಸದ ಜೊತೆಗೆ ದೇಶಭಕ್ತಿಯ ಒಂದು ಸ್ವರೂಪವೇ ಆಗಿದೆ. ಮರಣದ ನಂತರ, ದೇಹವು ಯಾರಿಗಾದರೂ ಉಪಯೋಗವಾಗುತ್ತದೆ ಎಂದಾದರೆ ಅಂಗದಾನವನ್ನು ಮಾಡುವುದು ಮನುಷ್ಯ ಧರ್ಮ. ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸರಸಂಘಚಾಲಕ ಡಾ.ಮೋಹನ್ ಭಾಗವತ್ ಹೇಳಿದರು.
ಸೂರತ್‌ನ ಪಂಡಿತ್ ದೀನದಯಾಳ್ ಉಪಾಧ್ಯಾಯ ಒಳಾಂಗಣ ಕ್ರೀಡಾಂಗಣದಲ್ಲಿ ಡೊನೇಟ್ ಲೈಫ್ ಆಯೋಜಿಸಿದ್ದ ಅಂಗಾಂಗ ದಾನಿಗಳ ಕುಟುಂಬದ ಸನ್ಮಾನ ಸಮಾರಂಭವನ್ನು ಉದ್ದೇಶಿಸಿ ಅವರು ಮಾತನಾಡಿದರು.
ಒಬ್ಬ ವ್ಯಕ್ತಿಯ ಒಂದು ಅಂಗವು ನಿಷ್ಪ್ರಯೋಜಕವಾಗಿರುವುದರಿಂದ ಅವರ ಜೀವನವು ಹಾಳಾಗುತ್ತದೆ. ಆದರೆ ನಾವು ಅದೇ ಅಂಗಾಂಗವನ್ನು ಹೊಂದಿದ್ದೇವೆ, ಅದನ್ನು ಬಳಸಿದ್ದೇವೆ ಮತ್ತು ಇನ್ನು ಮುಂದೆ ಬಳಸುವುದಿಲ್ಲ ಎಂದಾದರೆ ನಾವೇಕೆ ಅದನ್ನು ದಾನ ಮಾಡಬಾರದು? ಈ ದೇಶಕ್ಕಾಗಿ ಬದುಕುವುದು, ಈ ದೇಶಕ್ಕಾಗಿ ಸಾಯುವುದು, ಸತ್ತ ನಂತರ ಉಳಿದಿರುವ ಜೀವನವನ್ನು ಮಾಡುವುದು ನಮ್ಮ ಕರ್ತವ್ಯ. ನಾವು ಸತ್ತ ನಂತರವು ಕೆಲವು ಅಂಗಾಂಗಗಳು ಸ್ವಲ್ಪ ಸಮಯದವರೆಗೆ ಜೀವಂತವಾಗಿದ್ದರೆ, ಆ ಅಂಗಗಳನ್ನು ಇತರ ಜನರ ಬಳಕೆಗೆ ಲಭ್ಯವಾಗುವಂತೆ ಮಾಡುವುದು ಒಳ್ಳೆಯದು ಎಂದರು.
ತ್ಯಾಗದ ಪರಮ ಆದರ್ಶ ದಧೀಚಿ ಮುನಿಗಳು. ಅವರೇ ಮೊದಲ ಅಂಗಾಂಗ ದಾನಿಗಳು. ಈ ಕಾರ್ಯ ಪವಿತ್ರ ಕರ್ತವ್ಯವೂ ಹೌದು ಮತ್ತು ದೇಶಕಾರ್ಯವೂ ಹೌದು. ನಮ್ಮ ದೇಶದಲ್ಲಿ ಲಕ್ಷಾಂತರ ಜನರು ಅಂಗಾಂಗಗಳ ನಿರೀಕ್ಷೆಯಲ್ಲಿ ಕಾದು ಯಾತನೆಯನ್ನು ಅನುಭವಿಸುತ್ತಿದ್ದಾರೆ. ಈ ಚಿಕಿತ್ಸೆಗೆ ಖರ್ಚುಗಳಿವೆ. ಖರ್ಚು ಮಾಡಿದ ನಂತರ ವರ್ಷಗಟ್ಟಲೆ ವೇಟಿಂಗ್ ಲಿಸ್ಟ್‌ನಲ್ಲಿ ಉಳಿಯಬೇಕು. ಸ್ವತಂತ್ರ ದೇಶದಲ್ಲಿ ಅಮೇರಿಕಾವಾಗಲಿ, ಇಂಗ್ಲೆಂಡ್‌ ಆಗಲಿ ನಮ್ಮ ಅಗತ್ಯಗಳನ್ನು ಪೂರೈಸುವುದಲ್ಲ, ಅದನ್ನು ನಾವು ಮಾಡಬೇಕಾಗಿದೆ. ಈ ಹಾದಿಯಲ್ಲಿ ನಾವು ಒಂದೊಂದೇ ಹೆಜ್ಜೆ ಇಟ್ಟು ಮುಂದೆ ಸಾಗಿದ್ದೇವೆ.
ಮಾತೃಭೂಮಿಯ ಮಗನಾಗಿ ಒಬ್ಬರಿಗೊಬ್ಬರು ಸಂಪರ್ಕ ಹೊಂದುವ ಮೂಲಕ ಇತರರ ನೋವುಗಳನ್ನು ಅರಿತು ಅವರ ಸುಖ-ದುಃಖಗಳಲ್ಲಿ ಭಾಗಿಯಾಗುವ ವ್ಯಕ್ತಿಗಳೇ ‘ಜನ’ ಎನಿಸಿಕೊಳ್ಳುತ್ತಾನೆ. ಮನುಷ್ಯನು ನಾರಾಯಣನಾಗಬೇಕು. ದೈಹಿಕ, ಬೌದ್ಧಿಕ ಮತ್ತು ಮಾನಸಿಕವಾಗಿ ಸಬಲರಾಗಬೇಕು ಮತ್ತು ಸಮಾಜದ ರೂಪದಲ್ಲಿರುವ ದೇವರ ಪಾದಗಳಿಗೆ ಉತ್ತಮ ದಾನಗಳನ್ನು ನೀಡಬೇಕು ಎಂದು ಹೇಳಿದರು.
ಇಡೀ ದೇಶದಲ್ಲಿ ಸೂರತ್ ಸ್ವಚ್ಛತೆಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಅದೇ ರೀತಿ ಅಂಗಾಂಗ ದಾನದಂತಹ ಚಟುವಟಿಕೆಗಳಲ್ಲಿ ಸೂರತ್ ಕೂಡ ಅಗ್ರಸ್ಥಾನದಲ್ಲಿ ಉಳಿಯುತ್ತದೆ ಎಂದು ಭರವಸೆ ವ್ಯಕ್ತಪಡಿಸಿದರು. ಅಂಗಾಂಗ ದಾನವು ಒಂದು ಉದಾತ್ತ ಕಾರ್ಯವಾಗಿದ್ದು, ಸಮಾಜದೊಂದಿಗೆ ಒಟ್ಟಾಗಿ ಕೆಲಸ ಮಾಡಬೇಕಾದದ್ದು ಸಂಘದ ಅವಶ್ಯಕತೆಯಾಗಿದೆ ಎಂದು ಅಭಿಪ್ರಾಯಪಟ್ಟರು.
ಡೊನೇಟ್ ಲೈಫ್ ಸಂಸ್ಥೆಯ ಅಧ್ಯಕ್ಷ ನೀಲೇಶಭಾಯಿ ಮಂಡ್ಲೇವಾಲ ಮಾತನಾಡಿ, ಮೆದುಳು ನಿಷ್ಕ್ರಿಯಗೊಂಡ ವ್ಯಕ್ತಿಗಳ ಕುಟುಂಬದವರಿಗೆ ಅಂಗಾಂಗ ದಾನದ ಮಹತ್ವವನ್ನು ತಿಳಿಸಿಕೊಡುವ ಮೂಲಕ ಇತರ ರೋಗಿಗಳಿಗೆ ಜೀವದಾನ ಮಾಡುವ ಕಾರ್ಯವನ್ನು ಡೊನೇಟ್ ಲೈಫ್ ಮಾಡುತ್ತದೆ. ಭಾರತದಲ್ಲಿ ಇನ್ನೂ 94 ಪ್ರತಿಶತ ಜನರಿಗೆ ಅಂಗದಾನದ ಬಗ್ಗೆ ತಿಳಿದಿಲ್ಲ. ಅಲ್ಲದೆ, ಪ್ರತಿ 12 ಲಕ್ಷ ಜನರಲ್ಲಿ ಒಬ್ಬರು ಮಾತ್ರ ಅಂಗಾಂಗ ದಾನ ಮಾಡುತ್ತಾರೆ. ಡೊನೇಟ್ ಲೈಫ್ ಸಂಸ್ಥೆಯ ಮೂಲಕ ಸೂರತ್ ಮತ್ತು ದೇಶಾದ್ಯಂತ ಒಟ್ಟು 1173 ಅಂಗಾಂಗಗಳನ್ನು ದಾನ ಮಾಡಲಾಗಿದೆ ಮತ್ತು ಭಾರತ ಮತ್ತು ವಿದೇಶಗಳಿಂದ ಒಟ್ಟು 1077 ಜನರಿಗೆ ಹೊಸ ಜೀವನವನ್ನು ನೀಡಲಾಗಿದೆ ಎಂದರು.
ಕಾರ್ಯಕ್ರಮದಲ್ಲಿ ಅಂಗಾಂಗ ದಾನ ಮಾಡಿದ 63 ಕುಟುಂಬಗಳನ್ನು ಕಾರ್ಯಕ್ರಮದಲ್ಲಿ ಸನ್ಮಾನಿಸಲಾಯಿತು.
