ಮಾ. ಗೋ. ವೈದ್ಯ ಅವರು ಸಂಘದ ವಿಚಾರವನ್ನು ಸಂರಕ್ಷಿಸಿದರು ಮತ್ತು ಅದಕ್ಕಾಗಿ ಬದುಕಿದರು. ಅವರ ಸಂಪೂರ್ಣ ಜೀವನ ಸಂಘದ ಒಂದು ಶಬ್ದಕೋಶವಾಗಿತ್ತು. ಅವರು ಆರೆಸ್ಸೆಸ್ಸ್ ನ encyclopedia ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸರಸಂಘಚಾಲಕರಾದ ಮೋಹನ್ ಜೀ ಭಾಗವತ್ ಅವರು ತಿಳಿಸಿದರು.
ಚಿಂತಕ, ಪತ್ರಕರ್ತ, ಹಿಂದುತ್ವದ ಪ್ರತಿಪಾದಕ, ಆರೆಸ್ಸೆಸ್ಸ್ ನ ಹಿರಿಯ ಕಾರ್ಯಕರ್ತ ಮಾ.ಗೋ. ವೈದ್ಯ ಅವರ ಅಂತಿಮ ದರ್ಶನ ಮಾಡಿದ ಭಾಗವತ್ ಅವರು ಮಾಧ್ಯಮದವರೊಂದಿಗೆ ಮಾತನಾಡಿದರು.
ಅವರ ನಿಧನ ನಮಗೆಲ್ಲ ತುಂಬಲಾರದ ನಷ್ಟವಾಗಿದೆ. ದೇಶದ ಎಲ್ಲ ಪ್ರಾಂತ ಸ್ತರದ ಕಾರ್ಯಕರ್ತರೊಂದಿಗೆ ಅವರಿಗೆ ಘನಿಷ್ಠ ಸಂಬಂಧವಿತ್ತು. ಅವರೊಂದಿಗೆ ಸಲಹೆ-ಚರ್ಚೆಗಳು ನಿರಂತರವಾಗಿ ನಡೆಯುತ್ತಿದ್ದವು.
ನಮಗೆ ಏನಾದರೂ ವಿಚಾರ-ವಿಮರ್ಶೆ ಮಾಡಬೇಕಾದ ಸಂದರ್ಭದಲ್ಲಿ ನಮಗಿರುವ ಪ್ರಮುಖರಲ್ಲಿ ಹಿರಿಯ ಸ್ಥಾನ ಅವರದ್ದು.
ಅವರಿಂದು ನಮ್ಮನ್ನು ಅಗಲಿದ್ದಾರೆ. ಅವರ ಜೀವನ ಕೃತಾರ್ಥ ಜೀವನ. ಅದು ಶ್ಲೋಕಯೋಗ್ಯವಾದುದಲ್ಲ. ಜೀವನ ಹೇಗೆ ನಡೆಸಬೇಕು ಎನ್ನುವುದಕ್ಕೆ ಅವರು ನಮಗೆಲ್ಲ ಉದಾಹರಣೆಯಾಗಿದ್ದಾರೆ.
